Sunday, March 20, 2016

ഇന്ത്യ ഒരു മരമാണ്

ഇന്ത്യ ഒരു മരമാണ്
കൊമ്പുകളിൽ മൃതദേഹങ്ങൾ കായ്ക്കുന്ന
ആമരം ഈമരം ആൾമരം
രാമന്റെ മരം.

വഴിയരികിൽ കടത്തപ്പെട്ട്
വയലുകളിൽ ബലാൽസംഗം ചെയ്യപ്പെട്ട
ദളിത് പെൺകുട്ടികൾ,
വെറുതെ രസത്തിന്
തല്ലിക്കൊന്ന ദളിത് ചെറുപ്പക്കാർ
കടം കൊണ്ട കർഷകർ,
കാലിച്ചന്തയിൽ അടിച്ചു കൊന്ന്
കെട്ടിത്തൂക്കിയ മുസ്ളിം ബാലൻമാർ.

ഇന്ത്യ ഒരു മരമാണ്.
നരഭോജികൾ
നട്ടു വളർത്തുന്ന
കഴുമരം.

:(

Post a Comment